9TH DAY OF MISA DE GALLO

TEMA: ANG BERHING MARIA UG ANG KAHAYAG

SHARE YOUR LIGHT!

Sa high school pa ako mahilig kami sa pagpangdisco o pagpamayle. Buntag pa lang daan, kon naa gani bayle sa gabii, mag andam nami ug solo nga gikan sa laya nga lukay sa lubi. Amo kining bugkuson ug ibutang sa ilalom sa among balay. Pagkagabii mao kini ang among gamiton nga suga paingon sa baylihan. Inig uli namo mao gihapon ang among gamiton nga suga sa dalan.

Kitang mga tawo dili ta ganahan ug ngitngit gusto gayod kita ug hayag. Pero karon ang mga batan-on dili gusto ug hayag, gusto ug ngitngit! Hehehehe. Gani kon mag brownout sa atong balay, magbagutbot man gani kita. Dili kita makalihok ug tarong kon walay kahayag.

Greetings!!!!!

Ang atong ebanghelyo karong adlawa nagtudlo kang Hesus nga mao ang kahayag. Si Zacarias nagpadayag sa iyang pagbati ngadto sa Dios. Iyang nakita nga sa pagpakatawo sa Ginoong Hesus, moabot ang kaluwasan. Siya mao ang mopadan-ag sa banagbanag nga masanagon ug mobanwag sa mga nagpuyo sa kangitngit. ‘kadtong nagpuyo sa kangitngit nasidlakan na sa kahayag.” Si Hesus mao ang kahayag nga giingon ni propeta Isaiah. Pagsugod sa iyang ministry hangtud sa tulo ka tuig nahimo gayud siya nga kahayag. Ang mga bakol nakalakaw, ang mga masakiton nangaayo, ang buta nakakita, etc.

Sa atong kinabuhi usahay usab makasinati kita ug kangitngit: mga prolema, kalisod, ug panagbingkil kini mao ang giisip nato nga kangitngit sa kinabuhi. Apan wala kitay laing padulngan mao ra gayud ang tinuod nga kahayag, si kristo.

Sa atong bunyag, nahayagan na kita ni kristo pinaagi sa pagkunsad sa espiritu santo kanato. Aduna na kitay kahayag nga mao si Kristo, kinahanglan nalang padilaabon nato kini aron usab mahayagan ang uban nga anaa sa kangitngit. Sa ato pa, atong ipaambit ang kahayag nga atong nasinati ug naangkon ngadto sa uban ilabi na kadtong anaa sa kangingit.

Kon ang among solo mao ang laya nga lukay sa lubi nga maoy magdan ag kanamo sa dalan paingon sa diskuhan, isip mga sumusunod ni kristo ato usab gamiton ang maong kahayag aron magdan ag sa atong kinabuhi ug magdan ag sa kinabuhi sa uban. Himoa ang imong kaugalingon nga  modelo sa kahayag ni Kristo. Hinumdumi ninyo nga ang kahayag mao si Kristo, igo lamang kitang mopadan-ag sa iyang kahayag. Kini mao ang hinungdan nga atong puy-an ang kahayag nga atong naambitan aron kini modan-ag sa uban. Remember, Si kristo mao ang matuod nga kahayag. Just Share your light.

6TH SUNDAY OF MISA DE GALLO

TEMA: ANG BERHING MARIA UG ANG PAGPANGALAGAD

ALAGAD GIHAPON SI TATAY

Intro:  aduna akoy nakaila nga usa ka tigulang sa usa ka kapilya. Tigulang na gayod siya kaayo apan alagad gihapon sa kapilya. Ako siyang gipangutana kon pila na siya ka tuig nag alagad? Siya miingon: “mga 30 na kapin ka tuig father.” “Mopadayon gihapon ka tay nga tigulang naman ka?” Nagutana ako. “Kaya paman fr.”, siya mitubag. Unya nagpadayon kami sa pagbaklay padulong a kapilya nga iyang gialagaran. Sa kadugayan namog baklay naulahi nako kapoy na kaayo pero siya nag-una na nako. Kaya pa gyud diay!

 sa high school pa ako nag apil ko ug choir sa among kapilya… apan wala ko kabalo nga ang mao diay nga trabaho usa ka pag- alagad sa  simbahan pinaagi sa mga pag awit sa pagdayeg sa Dios. Daghan ang klase sa pagpangalagad, nagkadaiya lamang ang importante nga andam ka motugyan sa imong kaugalingon alang sa uban.

Ang atong tema karong adlawa mao ang berthing Maria ug ang pagpangalagad.  Atong nasayran sa atong Ebanghelyo nga si Maria mibisita kang santa Isabel nga mabdos niadtong panahuna. Iya kining gibuhat tungod kay gusto niyang moalagad sa usa ka babaye nga iyang ig agaw, gawas nga tigulang na mabdos pa gayod. ----------------------------------------

Ang pagtabang o pagpangalagad usa ka buhat nga maayo. 

1.      Kini mao ang bunga sa atong pagtuo. Faith witout work is useless.

Experience sa akong faith: miapil ko sa Dyft sa diocese, nahimo kung tigduyog sa simbahan kining tanan bunga sa pagtuo.

2.      Service involves sacrifices – si Hesus mismo nagsakripisyo alang sa pagpangalagad kanato. Si tatay bisan tigulang na mobaklay gihapon aron lang maka giya sa mga tawo sa bukid diha sa pag ampo. Service invovlves sacrifices!

3.      Sa atong pagserbisyo sa Ginoo adunay naglakip nga reward nga atong mapabot. Una sa tanan, ang kaluwasan sa atong kalag; ikaduha ang kalipay o fulfillment nga atong pagabation.

Challenge:

 karon gihagit kita sa pagpadaun sa atong kinabuhi sa pagpangalagad sa uban ilabi na ang mga nanginahanglan. Diha sa atong gagmay’ng nabuhat sa uban usa na kana nga dako nga buhat sa mga mata sa Dios. Bisan luyo sa mga sakripisyo nga atong nasinati dili kita moundang sa pagpangalagad sa simbahan ug sa tanan kay aduna gayoy dakong ganti nga nagpaabot kanato. Kung kaya ni tatay bisan siya katigulang na!, kung kaya ni nanay bisan siya tigulang na!, mas makaya nato kini kay himsog pa! ug baskog pa gayud. Padayon sa imong pagpangalagad kay dako ang ganti nga nagpaabot kanimo sa kahitas-an. 

hangtud karon si tatay alagad lang gihapon sa simbahan sa bukid.

DEC 17, 2ND DAY OF mISA DE GALLO

ANG PAMILYA NGA LIG-ON MAY KAUGMAON

Usa ka batang lalaki nga miduol sa iyang inahan nga nagluto ug aduna siyay gitunol nga papel. Sa pagbasa sa inahan mao kini ang iyang nabasahan:

            Sa pagputol sa mga sagbot 30 pesos

            Sa paglimpyo sa akong kuarto 20 pesos

            Sa pagpalit ug sud an 10 pesos

            Sa pagbantay sa akong manghod 30 pesos

            Sa paglabay sa basura 5pesos

            Sa taas nga grado 30pesos

            TOTAL 125pesos

Unya iyang gitan aw ang iyang anak nga puno sa paghigugma ug unya mikuha siya ug papel ug misulat:

            Sa akong pagmabdos kanimo sulod sa 9 ka bulan = no charge

            Sa tanang gabii nga nabilar ko tungod kay mohilak kay nagsakit = no charge

Sa mga dulaan nga imong gigamit samtang gamay paka = no charge

Sa mga pagkaon nga imong natagamtam = no charge

Ang total tanan I LOVE YOU ANAK

HUMAN PAGBASA SA BATA MITULO ANG IYANG LUHA UG MIGAKOS SA IYANG INAHAN. PAGKAHUMAN MIKUHA SIYA UG PAPEL UG MISULAT:

 Bayad na!

Ang atong tema karon sa atong Misa de Gallo mahitungod kang Maria ug sa pamilya. Kahibalo kita kon unsa ka importante ang pamilya sa atong kinabuhi. Maglisod ang tawo kon wala siyay pamilya kay wala siyay kasumbungan sa problema ug wala siyay kapaingnan.

Kaniadto sa gagmay pa kami, nag-away ang akong mama ug papa. Nanglupad ang mga kaldero, kalha, mga plato didto sa basakan kay natung-an man gud ang among balay sa basakan. Kami nga ilang mga anak nanghilak didto sa suok(corner) sa among sala. Unya sa kalit lang milayas si mama pero didto ra pud sa among silingan paingon. Giingnan kami sa among mga silingan nga kon magbulag ang among mama ug papa asa daw mi mouban? Wala gyod mi katubag kon asa. Miabot ang pipila ka adlaw mibalik na si mama kay giadto man ni papa sa among silingan.

Mga igsoon, lisod kon managbulag ang mga ginikanan nga mao ang pundasyon sa pamilya. Ang mga anak maoy maapektuhan. walay kaugmaon ang mga bata, ilabi na kon sila mga gagmay pa.

Apan kon ang pamilya gani nga lig on may kaugmaon gayud, susama sa atong ebanghelyo karon: naghisgot bahin sa kagikan ni Hesus nga sa ato pa ang gigikanan sa iyang pamilya.

Nindot ang pamilya kon adunay panaghigugmaay sa usag-usa. Ang pagpakabana sa amahan, ang pag amping sa inahan ug ang pagkamasinugtanon sa mga anak maoy makapalambo sa pamilya. Ang pagtapok sa pamilya diha sa talad kan-anan  makatabang sa pagpalig on sa pamilya.

Ex. every December 25 we have a Family reunion...

Karon gihagit kita sa pagpadayon sa pagpalambo sa atong tagsatagsa ka pamilya. Kon adunay pamilya nga nagkabingkil karon na ang panahon nga makig uli sa usag usa. Pasko karon, ang ato untang gasa sa Dios mao ang paghigugma sa atong pamilya sama nga siya nahigugma kanato.

UNANG ADLAW SA MISA DE GALLO

DEC. 16, TEMA: ANG BERHING MARIA UG ANG MGA KABATAN-ONAN

“KABATAN-ONAN: PAG-ASA NG BAYAN”

Unsay kalainan sa batan-on ug sa mga tigulang?

Ang mga batan-on  - energetic, abtik ug bibo kaayo.

Ang mga tigulang – wala nay energy, luya na. nganong luya naman? Tungod kay naa may mga sakit, sama sa: artritis, diabetes ug lain pang uban. Apan ang mga tigulang adunay nay kaalam ug ang mga batan on gamay pa ug kaalam. Tungod kay gamay pa ang kaalam sa batan-on dali ra sila nga mahisalaag sa dalan busa angayan nga agakaon sa mga hamtong.

Diha sa grupo mobibo lamang kon adunay mga batan-on kay  ang mga batan-on energetic man. Apan kon walay batan-on mingaw kaayo. Ang mga batan-on kusog pa kaayo magdagandagan kay lig-on pa man, unya lihokan pa gayod. Mao na nga ang mga tigulang maningka tungod kay sabaan man ang mga batan-on. Apan mao kini ang nagtimaan sa ilang pagka energetic.

Ang mga batan-on – adventurous, mahilig magsuotsuot bisag asa.

Ang mga  tigulang dili na mahilig sa paglaaglaag tungod kay kapuyan naman. Kon naa ganiy bag-o nga mga natukod nga nindot kaayo talan-awon, ang mga batan-on gusto gayud nga moadto, Apan ang tigulang mangutana lamang ug moingon: aaah…

GREETINGS!

Mga igsoon karong adlawa ang adlaw sa mga batan-on. Ang tibuok pilipinas nagsaulog niining maong adlaw isip adlaw alang sa mga kabataan. Matud pa ni Jose Rizal, “ang kabataan ang pag-asa nga bayan.” Mag-unsa nalang ang atong simbahan kon walay mga kabatan-onan? Mingaw seguro kaayo, boring pa gayud. Busa kinahanglan nga atong suportahan ang atong mga kabatan-onan aron sila malig-on diha sa ilang pagtuo ug pagsalig sa Dios. Ato silang dad-on sa simbahan aron sila makakat-on sa kristohanong kinabuhi. Hinumduman nato nga sila mao ang mga umaabot nga mga miembro diha sa atong simbahan. Seguro ang uban mamahimong mga katekista, alagad, ug basin gani mapari o mamadre o kaha mamahimong pangulo sa atong nasud.

Didto sa gawas sa nasud gamay nalang ang mga kabataan nga manimbahay. Kasagaran mga tigulang na ang naa sa simbahan. Dili nato tugutan nga mahitabo kini dinhi sa atong nasud kay basin unya ug wala nay tawo ang simbahan nga atong gitukod.

Isip usa ka amahan sa mga kabatan-onan, ako naningkamot sa paghatag kanila ug mga project aron sila makasapi ug aron dili na magsegi ug tulisit.dayag kaayo diha sa atong simbahan nga ang mga batan-on wala gayoy igong salapi kay sila man lagi dependent paman sa ilang mga ginikanan. Apan bisan pa niini ato silang tagaan ug higayon nga moasenso diha sa katilingban.

Hinumduman nato nga kon walay mga kabatan-onan walay kaugmaon ang atong simbahan. Busa, angayan lamang nga ato silang suportahan.  

Sila(kabataan) ang pag-asa ng ating bayan. 

CHRISTMAS DAY DEC. 25,

DO YOUR RESPONSIBILITY TO BE HAPPY

Naka sabit na ang mga parol, nagliliwanag na ang mga ilaw sa ating mga tahanan,tumatayo na ang mga Christmas Tree, kumakanta na ang lahat ng mga Christmas Carols. Pasko na gyod  ug kini mao ang atong gipaabot sulod sa siyam ka kaadlawon/gabii sa pag novena.  Merry Christmas po sa inyong lahat! batiin po ninyo ang inyong mga katabi, kapamilya, kapuso at kapatid ng maligayang pasko.

Karon nga pasko kinahanglan kita nga maglipay tungod kay natawhan kita ug usa ka manluluwas si Kristo nga atong Ginoo. Nagpakatawo siya aron kita maluwas sa atong mga sala, busa angayan lamang nga magsaulog kita sa kalipay sa pasko. Apan, ang kalipay nga atong gustong sination kinahanglan nga ubanan nato sa atong tagsatgasa ka resposibilidad, because happiness will not come if you will just sit there and do nothing. Happiness will come if we will do our respective responsibility as Christian faithful.  Nganong miingon ako niini? Nakasabit na ang mga parol, sino ba ang magsabit nito if you just sit there? Nagliwanag na ang mga ilaw sa ating tahanan, kinsa man ang motaud aron mohayag kini ? dapat ikaw.

My dear friends let us do our responsibility for us to be happy. Hindi Masaya ang buhay pag wala kang ginawa sa buhay mo. Ang kalipay maangkon lamang kon ikaw mohimo sa imong buluhaton sa matag adlaw. Ang pagpaningkamot sa atong kinabuhi luyo sa mga kalisod nga atong naangkon  mahulipan sa kalipay nga hilabihan.

Busa karong adlawa sa atong pagsaulog sa pasko sa pagkatawo sa atong Ginoo, atong bation ang kalipay  sa atong tagsa-tagsa ka kasingkasing. Kini mahimo lamang kon kita usab mohimo sa angayan nga pagabuhaton nga gihatag kanato sa Dios. Let us celebrate this with our families, friends and neighbors. Be participative and active in doing our works will so that real happiness may come to your homes.

Again, do your responsibility to be happy.

MERI CHRISTMAS PO SA LAHAT!

8th day misa de gallo dec 23

ANG NGALAN UG ANG MISYON

Usa ka pari ang miduol sa magtiayon nga nagpabunyag ug nangutana: Unsay ngalan sa bata? Anaflor Father gikan sa ngalan sa Amahan nga Anastacio ug sa inahan nga Flordeliza. Si mang Domingo nga nakadungog, naghunhuna kon unsa ang ingalan sa iyang anak. Unya miduol ang pari sa ikaduha nga ginikanan. Unsay ngalan sa bata? Arlyn father gikan sa papa nga Arnold ug sa mama nga Linda. Sa dihang si Domingo na ang giduol gipangutana siya sa pari. Unsay ngalan sa bata? Co co condom father.  Ha! Nahibulong ang pari. Asa mana gikan nga bastos man kaayo na nga ngalan? Gikan na sa ngalan sa mama father nga Concorcia ug sa akong ngalan nga Domingo.

Sa atong Ebanghelyo karon naghisgot sa susamang paaagi sa pag ngalan ni Juan nga magbubunyag. Gani ang ilang mga silingan nagreklanmo tungod kay wala may Juan sa ilang kaliwat.

Kanidto ang mga pangalan adunay dakong kalambigitan sa kinabuhi. Susama sa pangalan nga Pedro buot ipasabot the rock!

Apan karon atong nahibal -an nga bisan unsa nalang ang pangalan sa mga bata. Adunay tag- as kaayo ang pangalan; Mary Joy beatris; Maria stella Mae, ug daghan pang uban. Apan unsa man ang importante pangalan ba? O ang pagkatawo? Siguro makaingon kita nga ang pagkatawo, sama ni Juan nga aduna nay daang misyon nga gitagana kaniya sa Ginoo. Siya ang nag -ndam sa dalan sa Dios nga mao ang moluwas sa tanang katawhan sa ilang mga sala. Sa atong pagpadayon, bisan pag unsay atong pangalan kitang tanan adunay dakong misyon dinhi sa kalaibutan.

Ang atong pag- andam sa atong kaugalingong dalan mao ang unang misyon sa atong kinabuhi. Unahon nato paghinlo ang atong dalan aron kini mamahimong hapsay ug andam kanunay sa pag-abot sa Dios. Ang paghinlo mamahimong malisod tungod kay naanad naman kita sa atong naandan nga mga binuhatan. Usahay kinahanglan gayud nga undangon ang mga naandan nga binuhatan aron mahinlo ang dalan. Sama panaglit, kon naanad ka sa pag-inom sa matag adlaw. Kita nasayud nga daghan ang mga maapektuhan ug madaut niini  ug ang pag-undang niini malisod alang kanato; apan gikinahanglan kini aron mahinlo ang atong dalan para sa Dios. Ang pagkamatinumanon sa Dios mao ang labing importante sa atong misyon sa kinabuhi. Kini mahisama sa atong tema karong adlawa: Ang Berhin Maria ug ang pagkamatinumanon. Kini usab mao ang gibuhat ni Zacarias, nagmatinumanon siya sa Dios nga nganlan ang bata ug Juan.

Ang ikaduha natong misyon mao ang pag andam sa dalan sa uban. Kon ugaling hinlo na ang dalan nga imong gisubay , ikaw andam na nga motabang paghinlo sa dalan sa uban. In order to be effective gikinahanglan gayud ang paghinlo sa kaugalingong dalan. Wala may mutuo kanimo kon ang imo mismong dalan gubot, wala may mutuo kanimo kon ang imo mismong dalan hugaw. Kon limpyo na kini sugdi na ang pagtabang sa uban. Pinaagi sa pagpakita sa imong mga maayong mga buhat o maayong dalan nga imong gisubay.

Karong adlawa bisan unsa paman ang imong pangalan, atong hinumduman nga aduna kitay misyon sa kinabuhi. Nicanor, anastacio, dionicio, propcopio, salud, dionisia, concorsia, Rolando, Vicente eleonor, Vilma, Porxia, Rey, Ritchell kitang tanan kinahanglan nga magpadayon sa atong misyon sa kinabuhi.

7TH DAY MISA DE GALLO DEC. 22

AWIT SA KALIPAY!

Kon ikaw malipayon, mokanta ka kasagara ug mga bibo nga kanta sama sa: Good morning sa inyo, sweet ang mild ang kasama ko tamis ng yong ngiti umaga ay walang pait! Good morning sa inyooooo…

Kon ikaw ma inlove, ingon ani ang imong kanta: ikaw na nga ang hinahanap ng puso… apan kon ikaw masulob on o broken hearted: aray! Naku! Kay sakit naman ng ginawa mo….

Susama niini ang atong ebanghelyo karon, a song of Mary. Iyang gipadayag ang iyang pagbati nga mao ang kalipay pinaagi sa usa ka awit. Kini nga Kanta adunay kalambigitan sa iyang kinabuhi. 

Atong hisgutan ang kinabuhi ni Maria aron atong mahibal-an ngano nga iya kining gikanta. Natawo si Maria sa simple nga pamilya, not known in the community. At the age 3-12 she was brought by st. Ann, her mother to the temple always to pray. Matud pa sa mga batid sa Biblia si Maria nagmabdos ni Kristo sa Edad nga 14-15 years old. Apan wala siya mailhi sa katilingban tungod lage kay pobre man sila ug simple lang ang panginabuhi. Gipili siya sa Dios tungod sa iyang simple personality. Kon imong paminawon ang iyang Kanta imong Makita ang iyang kinabuhi.

“Nagdayeg ang akong kalag sa Ginoo…. Niining ubos nga sulogoon… gituboy ang mga mapaubsanon… mao kini si Maria nga nagdayeg sa Ginoo, kabos ug mapaubsanon.

Tungod niini makaingon kita nga bisan sa atong kakabos kita pinalangga sa Dios sama kang Maria. Sa ato pa aduna kitay daku kaayo nga paglaum tungod kay pinili man usab kita sa Dios.

kon imong tan awon ang kinabuhi ni Maria: nagdayeg siya sa Dios bisan sa iyang pagka simple. . nag ampo siya ug nagpasalamat sa tanang grasya nga iyang nadawat. Mao usab unta kini ang atong buhaton diha sa atong kinabuhi. Luyo sa atong kalisod mag ampo  ug magpasalamat  ug magdayeg unta kita sa Dios sa tanang mga grasya nga atong nadawat sa matag adlaw. Don’t give up! Move on! Kitang tanan pinili sa Dios! Ug sa katapusan sa atong panahon sa kalibutan kita makauban sa mga anghel sa langit ug mag awit sa mga pagdayeg sa Dios.

Bisan kabos basta malipayon. Si Maria kabos ug malipayon kaayo. Pasko karon, malipayon ka ba? Paglipay aron masinati nimo an gang tinuod nga kinabuhi kauban sa Dios ug aron maka kanta ka! Sa kalipay. Good morning sa inyo fresh and mild ang kasama ko. Sarap nang yung ngiti ligaya ay walang patid… good morning sa inyoooo….